今日禮拜五啲人古古怪怪：
1. 有個女仔同我講呢半年啲M變左。由每隔32日變咗28日。由每次黎5日變咗3日。講完之後下一句就問我攞今日假紙。你呢180日都唔需要攞，今日又唔係痛又唔係暈 Etc，點解無端端今日要攞呢？同埋點解睇呢D嘢會有假紙呢？
2. 我同事睇咗另外一個精神奕奕扎扎跳嘅後生女。佢話今朝頭暈，眼前一黑。佢唔俾做任何檢查。佢話唔需要做喎。跟住下一句又係要攞假紙。同事梗係話唔做檢查唔得。跟住姑娘打入嚟問我同其他醫生肯唔肯咁樣睇佢。我哋各自嘅口供一致，佢都唔做檢查，我哋點樣幫佢？冇得就咁出張假紙OK？最後佢敗走，話去睇中醫。嗱，如果係呃假紙，唔該唔好玩咁大。同埋唔該合作D俾我哋做檢查。如果唔係呃假紙，就更加需要做檢查，等我幫你搵出個病因。
3.
強女： 我喉嚨唔舒服左好耐。
我： 有幾耐？
強女： 總之好耐。
我：（心入邊反白眼咁問）係咪出世到而家咁耐呀？
強女： 咁又唔係，呢幾年姐。
我：點樣唔舒服法？
強女： 每逢轉天氣，秋天同冬天嘅時候，我個喉嚨覺得有啲乾。
（咁係咪即係氣溫下降會覺得凍，沖完涼皮膚會濕，食完野個肚好飽，未屙尿會覺得急，阿媽係女人嘅道理？）
---
反完白眼睇番D靚野～～ 😍😍😍😍😍
Search